Акафист Пресвятой Богородице ради иконы Ее именуемой "Песчанская"
Кондак 1
Взбранной воеводе, всего мира Утешительнице и надеждо спасения рода христианскаго, к Тебе припадем во вся дни жизни нашея, яко к источнику всех духовных дарований и молим Тя: услыши нас, вопиющих к Тебе в часы дневныя и нощныя, в болезнех и скорбех, в нуждах и напастех всегда в радости зовущих:
Радуйся, Владычице мира, иконою Твоею Песчанскою сердца наша утешающая.
Икос 1
Ангелом предстателем наченши, восхваляет Тя, Матерь Божию, вселенная вся, яко Ты еси свет просвещения разума нашего, посредница наша между нами и Богом, Твоя Матерния молитвы много могут пред Предстолом Вседержителя, Ты десницею Своею приводиши нас от земли на небеси, Ты неизглаголанное и непостижимое спасения нашего сокровище, и сего ради не вемы, грешнии, киими похвалами воспети благодарная Тебе, приими же от благих сердец величания сия: Радуйся, в райской сладости всегда пребывающая; радуйся, таковые радости всем желающая. Радуйся, любящих Сына Твоего чады Своими именующая; радуйся, милосердия Божия нам Ходатаице. Радуйся, о продлении жизни на земли Сына Своего умоляющая; радуйся, за умерших всех без покаяния выну скорбящая. Радуйся, со ангелом хранителем Хранительнице наша усердная; радуйся, на Страшнем суде Сына Твоего едина надеждо на спасение наше. Радуйся, Владычице мира, иконою Твоею Песчанскою сердца наша утешающая.
Кондак 2
Видиши, о Преблагословенная Мати Божия, как велико беззаконие рода человеческаго, и того ради попусти Господь на землю и живущия на ней глады, моры, трусы, сухости и потопления. Ты же, Всемилостивая, умоли Всеблагаго Бога, да удалит от рода сего фараонитское жестокосердие, и да будет он покорен деснице Господней, да придет в совершенное покаяние, возопив Ему согласно: Аллилуиа.
Икос 2
Разумом совершенным небеснаго вестника Гавриила, благовествующаго Тебе волю Божию, яко Тебе единей быти блаженней в женах, восприяла еси, Мати Божия. Та же предрекла еси, яко ублажати Тя будут вси роди, и от того часа возопиют Тебе святое хваление сицевое: Радуйся, от Превечнаго Бога всего мира избранная Отроковице: радуйся, вместилище, Спасителя Бога во утробу Свою приемшая. Радуйся, Матерью Того от Господа наименованная; радуйся, от тогоже времене весь мир Богоматернею любовию покрывающая. Радуйся, живых надеждо и усопших упование в страшный час суда Божия; радуйся, к страшному ответу за жизнь нашу нас приуговляющая. Радуйся, от рождества до разлучения души от тела нашего нас не оставляющая; радуйся, Поборнице наша на рати злобных сил поднебесных. Радуйся, Владычице мира, иконою Твоею Песчанскою сердца наша утешающая.
Кондак 3
Сила Вышняго спасе мир от потопления греховнаго воплощением от Тебе Сына Божия, Царице Небесная, ибо враг рода нашего диавол восхоте погубити в отчуждении от истиннаго Бога весь род человеческий, в беззаконии и идолослужении ходити поучая. Господь же разруши сети его посланием в мир Сына Своего Единороднаго, и Тя, Матерь Чистую, дарова нам, да побеждена будет сила вражия и да обратятся вси людие к Творцу своему Богу, вопиюще: Аллилуа.
Икос 3
Имуще таковую Посредницу спасения нашего, молящеся не перестаем взывати к Тебе: буди же нам ограждение и стена крепка и необоримая, сохрани нас в вере православной отеческой во вся дни жизни нашея, научи ны покорству чад Церкве Сына Твоего, юже стяжа Христос Кровию Своею честною. Сподоби нас благодарными быти Богу за великия милости Его, научи исполняти заповеди Его и уставы святоотеческия, направляющи нас, Всеблагая, на путь спасения. Избави от греха и гнева Божия, за еже воспевати Тебе благодарения таковая: Радуйся, неусыпающая Молитвеннице и Ходатаице наша пред Престолом Божиим; радуйся, на небесех царствующая и нас доле не оставляющая. Радуйся, всех радостей неисчерпаемый источниче; радуйся, сокровище, жизнь нашу услаждающее. Радуйся, недремлющая, нас же спящих сохраняющая; радуйся, на труды дневныя нас благословляющая. Радуйся, благодарения Богу приносити наснаучающая; радуйся, во дни праздников на путь к храму Божию стопы наша направляющая. Радуйся, Владычице мира, иконою Твоею Песчанскою сердца наша утешающая.
Кондак 4
Бурю внутрь имеюще помышлений спасительных, слышаша людие, окрест живущии, о велицей силе благодатней, исходящей от иконы Богоматере во граде Изюме, притекоша, припадающе ко образу с радостию великою, яко к Самей сущей Царице Небесней, имуще надежду на Тя, Пречистая, и в веселии сердец возопиша Богу: Аллилуиа
Икос 4
Слышаша людие вси, яко верный Богу и Тебе, Богоматери, служитель Твой святит
Поделиться с друзьями: