Акафист Пресвятой Богородицы ради иконы Ее именуемой "Песчанская"
Кондак 1
Взобранной воеводе, Всего мира Утешительнице и надежда спасения рода христианского, к Тебе припадаем во вся дни жизни нашея, яко к источнику всех духовных дарований и молим Тя в часы дневные и нощныя, в болезнях и скорбех, в нуждах и напастех, всегда в радости зовущих:
Радуйся, Владычице мира, иконою Твоею Песчанскою сердца наша утешающая.
Икос 1
Ангелом предстателем наченши, восхваляет Тя, Матерь Божию, вселенная вся, яко Ты еси свет просвещения разума нашего, посредница наша между нами и Богом, Твоя Матерния молитвы много могут пред Престолом Вседержителя, Ты десницею Своею приводиши нас от земли на небеси, Ты неизглагнное и непостижимое спасения нашего сокровище, и сего ради не вемы, грешнии, киими похвалами воспети благодарная Тебе, приими же от благих сердец величания сия:
